Докторантураға түсу жолдары. Мүмкіндіктері және мансап перспективалары.
4 тамызда Сулейман Демирель атындағы университетте «Докторантураға түсу жолдары. Мүмкіндіктері және мансап перспективалары» атты семинар өтті.Оған Қазақстанның түкпір-түкпірінен келген «Достық» оқу орталығының оқытушылары қатысты.
Семинар барысында PhD дәрежесін алудың маңыздылығы мен магистранттарға қабылдау процесінде көрсетілетін қолдауға баса назар аударылды. Бұл семинар Сулейман Демирель атындағы университет, Narxoz университеті және Galym Project қорының арасындағы серіктестіктің негізінде, бірлескен бастама болып табылады.
Мұндай семинарлар еліміздегі ғылым саласының дамуына ықпал етеді деген сенімдеміз. Зерттеушілер, ғалымдар мен педагогтар арасында білім мен тәжірибе алмасуға бірегей мүмкіндік беретін, ел ішіндегі академиялық байланысты нығайтуға үлес қосатын осындай жобаларға қолдау көрсетуге әрдайым дайынбыз.